වකුගඩු රෝගියා ආධාර පතයි

වැලිමඩ, ගුරුතලාව, හිඟුරුගමුව "සිසිකිරණ" ලිපිනයෙහි පදිංචි නුවන් රත්නායක මහතා දරුණු වකුගඩු රෝගයකින් පෙළෙන අතර ලේ පිරිසිදු කිරීමේ ප්‍රතිකාරයෙන් පසු වකුගඩුවක්‌ බද්ධ කළ යුතු බව මහනුවර මහ රෝහලේ විශේෂඥ වෛද්‍ය ඒ. ඩබ්ලිව්. එම්. වසීල් මහතා නිර්දේශ කර ඇත.

ශල්‍යකර්මය හා අනෙකුත් වෛද්‍ය ප්‍රතිකාර සඳහාත් අවශ්‍ය ඖෂධවලටත් ඉතා විශාල මුදලක්‌ අවශ්‍ය වුවත් එම මුදල් සපයා ගැනීම ඔහුගේ පවුලේ සාමාජිකයන්ට අපහසු බැවින් නුවන් රත්නායක මහතා ඒ සඳහා පරිත්‍යාගශීලී ඔබගේ ආධාර බලාපොරොත්තු වේ. සම්පත් බැංකුවේ වැලිමඩ ශාඛාවේ ඒ මහතා නමිත් ඇති ගිණුම් අංක 108153766814 ට ඔබේ මුදල් පරිත්‍යාග ලබාදිය හැකි අතර 0575611666, 0711235077, 0716296477 යන දුරකථන අංකවලින් වැඩිදුර තොරතුරු ලබාගත හැකිය.

2014.7.28- divaina

තිදරු පියාගේ ජීවිතය ඔබේ අතේ

රත්නපුර, පොම්පකැලේ 71/C ජලාශය පාරෙහි පදිංචි, එම්. එස්‌. එස්‌. කුමාර මහතා වසරක පමණ කාලයක්‌ තිස්‌සේ පිළිකා රෝගයට ගොදුරු වී ඉතා අසනීප තත්ත්වයෙන් පෙළේ. වෛද්‍ය උපදෙස්‌ මත රු. ලක්‍ෂ අටක්‌ පමණ වියදම් කොට ඔහු සඳහා ඉන්දියාවෙන් පවා ඖෂධ ගෙන්වා ගැනීමටද සිදුවී තිබේ. දැනට සතියක්‌ පාසා රු. 8600 ක්‌ වැය කොට එන්නතක්‌ ලබා ගැනීමටද සිදුවී ඇත.

තවත් මාස 3 කින් පමණ යළිත් රු. ලක්‍ෂ 6 ක්‌ පමණ වියදම් කොට ශල්‍යකර්මයක්‌ කළ යුතුව ඇත. පාසල් වියේ පසුවන දරුවන් තිදෙනකුගේ පියකු වන කුමාර මහතාට ප්‍රතිකාර වෙනුවෙන් මුදල් සොයා ගැනීම ඉතාම දුෂ්කර වී තිබේ. රත්නපුර කොමර්ෂල් බැංකුවේ ගිණුම් අංක 8490031915 දරන ගිණුමට පරිත්‍යාගශීලී ඔබට ඔහු වෙනුවෙන් යම් මුදලක්‌ බැර කිරීමට හැකි නම් මහඟු උපකාරයකි.

2014.07.28- Divaina

"ඕ" පොසිටිව් වකුගඩුවක්‌ ඕනෑ

කුරුවිට දෙල්ගමුව මිහිඳු මාවතේ පදිංචි ඩබ්. ඒ. හේමන්ත බන්දුල, මහතා දරුණු වකුගඩු රෝගයකින් පෙළෙයි.

ඔහුට ප්‍රතිකාර සිදුකරන කොළඹ මහ රෝහලේ වෛද්‍ය ඒ. එල්. ඇම්. නසාර් මහතා පවසා ඇත්තේ ඔහුගේ වකුගඩු දෙකම නරක්‌වී ඇති බවයි. ඒ නිසා ජීවිතය බේරා ගැනීමට මාස දෙකක්‌ ඇතුළත නව වකුගඩුවක්‌ බද්ද කළ යුතු බවද දන්වා ඇත. කලක්‌ අනුරාධපුර ප්‍රදේශයේ ගොවියකු ලෙස ක්‍රියා කළ ඔහු දරුවන් තිදෙනකුගේ පියෙකි. තම පුතාගේ ජීවිතය රැක ගැනීමට පරිත්‍යාගශීලි පුද්ගලයකුගෙන් ""ඕ"" පොසිටිව් වර්ගයේ වකුගඩුවක්‌ ලබාදෙන ලෙස ඔහුගේ මව වන බන්දුවතී හපුගොඩ මහත්මිය ඉල්ලා සිටියි. ඔහු සම්බන්ධ කර ගත හැකි දුරකථන අංක මෙසේයි. 075-6258300, 072-4378866.


පරකඩුව - ඇහැලියගොඩ - බී. ජී. විමලවංශ
Divaina 2014.7.4 

වකුගඩු සැත්කමට ආධාර පතයි

පානදුර, ගොරකාන, තිලක පාරේ අංක 40/37 නිවසේ පදිංචි පතිරණගේ දේවිකා ගයාත්‍රි නිලූෂා (ජා. හැ. අංක 805230266ඩ) නමැති 34 වියෑති දෙදරු මව දරුණු වකුගඩු රෝගයකින් පෙළෙන්නීය. ඇයට 2010 වර්ෂයේදී ද නාරාහේන්පිට ලංකා රෝහලේදී වකුගඩුවක්‌ බද්ධ කළ අතර දැන් එම වකුගඩුව අක්‍රීය වී ඇත.

වෛද්‍ය නිර්දේශ මත ඇයට යළිත් වරක්‌ ඉතා ඉක්‌මනින් වකුගඩුවක්‌ බද්ධ කිරීමට සිදු වී තිබේ. නාරාහේන්පිට ලංකා රෝහලේදී 2014-06-06 දින ඇයගේ සැත්කම හදිසියේ සිදු කිරීමට යොදාගෙන ඇත. (රෝහල් ලිපිගොනු අංකය 304343) මේ සඳහා රුපියල් ලක්‍ෂ 16 ක්‌ පමණ වැය වන අතර එතරම් මුදලක්‌ සොයා ගැනීමට නොහැකි හෙයින් ඇයගේ ජීවිතය බේරා ගැනීම සඳහා පරිත්‍යාගශීලීන්ගේ ආධාර පතයි. යම් කිසි මුදලක්‌ පරිත්‍යාග කිරීමට කැමැති අය වෙත්නම් පානදුර, කෙසෙල්වත්ත මහජන බැංකුවේ අංක 148-2-001-0-0020441 දරන ඉතිරි කිරීමේ ගිණුමට බැර කරන මෙන් කාරුණික ඉල්ලීමක්‌ කෙරේ. දුරකථන අංකය 0718 770718.


2014.05.29 - Divaina

පුංචි හිරුෂාන් සැත්කමට ආධාර පතයි

ඡේ. හිරුෂාන් හය හැවිරිදි කෙළිලොල් සුරතල් දරුවෙකි. ඒ දරුවා කොඳු ඇට පෙළ ඇදවීමේ රෝගයෙන් පීඩා විඳී.

මාස හතේදී පමණ රෝගය හඳුනාගත් පසුව විශේෂ ජැකට්‌ටු මගින් රෝගය පාලනය කළ අතර පසුව රුපියල් ලක්‍ෂ පහළොවක්‌ වැය කර ඉන්දියාවේ ඇපලෝ රෝහලේදී පළමු සැත්කම සිදුකර ඇත.

පියා ඇඳුම් මසා ජීවිතය ගැට ගසා ගන්නා අතර මවට රැකියාවක්‌ද නැත. මෙම දරුවා දැනට මාර/පට්‌ටිගල කනිෂ්ඨ විද්‍යාලයේ පළමු වසරේ ඉගෙනුම ලබමින් සිටින අතර දරුවාගේ වැඩීමට සමගාමීව කොඳු ඇට පෙළ ආශ්‍රිතව තවත් සැත්කමක්‌ කළ යුතු බවට ඇපලෝ රෝහල් කොඳු නාරටි පිළිබඳව විශේෂඥ වෛද්‍ය සාජන් කේ. හෙ- මහතා නිර්දේශ කර ඇත.

ශල්‍යකර්මය නොමිලේ කරදීමට වෛද්‍යවරයා කැමැත්ත පළ කළද දරුවා රෝහල්ගත කිරීම ඇතුළු වෛද්‍ය උපකරණ වෙනුවෙන් රුපියල් ලක්‍ෂ හයක්‌ පමණ වැයවෙතැයි ගණන් බලා තිබේ.

මේ දරුවාගේ වටිනා ජීවිතය බේරාගෙන ඔහු නීරෝගී දරුවකු වනු දැකීමට කැමති පරිත්‍යාගශීලීන්ට ඌරුබොක්‌ක හැටන් නැෂනල් බැංකුවේ දරුවාගේ පියා වන ෙ-. මෛත්‍රීදාස මහතාගේ නමින් ඇති අංක 199020022960 දරන ගිණුමට මුදල් බැර කළ හැකි අතර දුරකථන අංක 0783624315 071-2859552, 0719633943 යන දුරකථන අංක ඔස්‌සේ මේ පිළිබඳ වැඩිදුර විස්‌තර ලබාගත හැකි බව පියා පරිත්‍යාගශීලීන්ට කාරුණිකව දන්වා සිටී.


2014.05.29 - Divaina

සමාජයට අමිල මෙහෙවරක්‌ කළ ග්‍රේෂන් අද හොඳටම අසරණයි

පමුණුගම, උස්‌වැටකෙයියාව, පරණම්බලම ප්‍රදේශයේ "ජනෝදය" නමැති සංවිධානයේ සජීවකයෙකු ලෙස අමිල මෙහෙවරක්‌ ඉටු කරමින් ප්‍රදේශයේ විශාල දුගී දුප්පත් ජනතාවකට සුබ සෙත සැලසූ ග්‍රේෂන් ගොඩ්ප්‍රි නමැති මානව හිතවාදියා පෙනහැල්ලේ ආබාධයක්‌ නිසා රෝගීව අසරණව එක්‌තැන්වී සිටියි.

ආහාරපාන ආදිය පවා ගත නොහැකි පරිදි ගිලන්ව සිටින ඔහු යෑපෙන්නේ පිටි වර්ග සහ පලතුරු ආදියෙන් පමණි. එහෙත් දැනට කිසිම ආදායමක්‌ නැති ඔහුට එයද ලබා ගැනීSම අසීරුවී ඇත.

තම සැමියා සමග කරට කර ජීවන සටනට උරදුන් බිරිඳටද, ඔහු අසලටම වී සිටීමට සිදුවීම නිසා කිසිවක්‌ කර කියා ගත නොහැකිය.

මෙයට අමතරව ඔවුන්ගේ දරු දෙදෙනාද රැක බලා නඩත්තු කරගත යුතුව ඇත. පස්‌හාරන යන්ත්‍ර (eංජ්ඩ්එදර) පුහුණුවක්‌ ලබා ඇති පිරිමි දරුවාට එම ක්‍ෂේත්‍රයේ රැකියාවක්‌ දීමට හැකි අයෙක්‌ සිටී නම් ඔවුන්ගේ ජීවිතවලට එය අත්වැලක්‌ වනු ඇත. නව හැවිරිදි දියණියද පාසල් සිසුවියකි. ඇය ඉගෙනීමට දක්‍ෂ දීප්තිමත් ශිෂ්‍යාවකි.

ඔබගේ කාරුණික සැලකිල්ලට භාජනය කොට ඔවුන්ට කුමන අන්දමේ හෝ සහනයක්‌ සැලසිය හැකි නම් එය එලෝ මෙලෝ යහපත සලසා ගැනීමක්‌ බව සඳහන් කරනු කැමැත්තෙමි. ගොඩ්ප්‍රිගේ බිරිඳ විසින් අතමිට සරු කාලයේ ක¹න මහජන බැංකුවේ අරඹා ඇති ඉතිරි කිරීමේ ගිණුම මේ සඳහා ඔබට ප්‍රයෝජනවත් වේ යෑයි සිතමි. එහි අංකය මෙසේය. 175200160005285 ඇයගේ ලිපිනය මෙසේය. කේ. ඒ. එස්‌. ඩී. පෙරේරා මහත්මිය. නිවාස අංක 721/එෆ්/3, පුබුදුගම, උස්‌වැටකෙයියාව.

පමුණුගම - එස්‌. කේ. ඡේ. කුරේරා

2014.05.29 - Divaina

ඉඳුනිල් හේමන්තට ඔබේ ආධාරය අවශ්‍යයි

අංගොඩ හිඹුටානේ පදිංචි 49 හැවිරිදි ඉඳුනිල් හේමන්ත මහතා බරපතළ ලෙස රෝගාතුරවී සිටින අතර වහාම ඔහුට හෘද සැත්කමක්‌ කළ යුතු බවට විශේෂඥ දොස්‌තරවරුන් නිර්දේශ කර ඇත.

ආසිරි රෝහලේ විශේෂඥ වෛද්‍ය ගෝඨාභය රණසිංහ මහතාගේ උපදෙස්‌ මත සැත්කම සිදු කිරීමට නියමිත අතර මෙම සැත්කම සඳහා වියදම ලක්‍ෂ 8 1/2 ක්‌ පමණ වේ. එහෙත් කිසිම බාහිර ආදායමක්‌ නැති හේමන්ත මහතාට මෙම මුදල සොයා ගැනීම බරපතළ ප්‍රශ්නයක්‌ වී ඇති අතර ඒ සඳහා ඔහු මහජන සහය පතයි. විවාහකයකු වන ඔහු තුන්දරු පියකු වන අතර දරුවන්ට හෝ බිරියටද කිසිම ආදායම් මාර්ගයක්‌ නැත. හේමන්ත මහතාට ආධාරයක්‌ කිරීමට කැමැති දානපතින්ට කොළඹ ග්‍රෑන්ඩ්පාස්‌හි, සෙලාන් බැංකුවේ අංක 0220-ඛ38495-101 යන ගිණුමට පරිත්‍යාගය බැර කළ හැකිය.


2014.05.28 - Divaina